ԾԱՆՐԱԲԵՌՆՎԱԾՈՒԹՅԱՆ ՏՐԵԴՄԻԼ ՏԵՍՏ

Ծանրաբեռնվածության Տրեդմիլ թեստը ֆիզիկական ծանրաբեռնվածության թեստի տեսակ է, որի դեպքում  իրականացվում է  էլեկտրասրտագրության շարունակական գրանցում։  Հետազոտությունն իրականացվում է ԷՍԳ տեխնոլոգիաների առաջատար  MORTARA INSTRUMENT-ի X-SCRIBE  համակարգի միջոցով: Ծանրաբեռնվածության  թեստը հնարավորություն է տալիս գնահատել սրտանոթային համակարգի ֆունկցիոնալ հնարավորությունները ֆիզիկական ակտիվության պայմաններում։
Տրեդմիլ թեստի իրականացման նպատակներն են.

• Ֆիզիկական ծանրաբեռնվածության տանելիության գնահատում
• Սպորտով զբաղվելուց առաջ կամ սպորտսմենների մոտ օպտիմալ ծանրաբեռնվածության որոշում
• Ծանրաբենվածության հանդեպ հիպերթենզիվ ռեակցիա ունեցող անձանց հայտնաբերում զարկերակային գերճնշմամբ պացիենտների շրջանակում
• Ծանրաբեռնվածությամբ խթանվող առիթմիաների հայտնաբերում
• Առիթմիաների բուժման գնահատում
• պրեսինկոպեների (եթե այն սովորաբար լինում է ֆիզիկական ծանրաբեռնվածության ընթացքում կամ հետո) գնահատում
• Բարձր խոլեսթերին , աթերոսկլերոզի բարձր ռիսկ ունեցող անձանց մոտ սրտի իշեմիկ հիվանդության վաղ հայտանաբերում
• Սրտամկանի ինֆարկտից հետո ռիսկի գնահատում
• Ռեվասկուլյարիզացիայի (կորոնար ստենտավորում կամ շունտավորում) կամ դեղորայքային բուժման արդյունքների գնահատում
• Դիլատացիոն կարդիոպաթիայով, սրտային անբավարարությամբ, հիվանդների սիրտ-թոքային ֆունկցիայի գնահատում:

ԻՆՉՊԵՍ ՊԱՏՐԱՍՏՎԵԼ

Սափրել կրծքավանդակի համապատասխան հատվածները` տես կից նկար:

Կրել քայքի համար նախատեսված հարմարավետ հագուստ, սպորտային կոշիկներ:

Եթե դուք օգտագործում եք դեղորայք , մինչ հետազոտությունը  բժշկի հետ հստակեցրեք  վերջիններիս կիրառումը: